اصعب سؤال؟؟

[color=red]اصعب سؤال ...
[/color]
اصعب سؤال اللي جوابه للأسف مثله سؤال
ماهو تفلسف الا موقف صار واسمع ثاني بيت


البارحه يومه سئل وش ذكّرك ذيك الليال ؟؟
كان الجواب بكل بساطه من متى أصلا نسيت؟؟

ادري بأن جمع الصعوبه والبساطه شي محال
لكنها صارت كذا واللي أهم اني دريت


ان الحياه فــ بــ ع ـد أحبابك اذا جف الوصال
تعيشها لو تقتنع انك خلاص أصبحت ميت


ياصاحبي لو كل شي يمر بالخاطر يقال
ما كانت العبره تولّجني ليا منّك طريت


شفني قدرت احبس دموعي بس دمع القاف سال
وياكبرها ساكت ولكن داخل اوراقي بكيت


عمر الحكي ما كان دافي لا ابتدا بقولة تعال
لجل اتجاهل رجفة احروفي ليا مني حكيت


الحال في بعدك قسم بالله ما سميه حال
أنوي على الضكحه واحس كلي خطا لاني نويت


تصور انك من رحلت اشوفك لجسمي ظلال
لاشفته امشي ببتعد واثره معي مهما مشيت


ما دام يعني في بحرك لفرحتي مليون جال
وشفيه موجك ماركد قربت اموت ومارسيت


يرضيك ماعادت معي تفرق اذا جالك مجال
لاني اقتنعت انك نهايه واني بــ ابطي مابديت


صرت اعقد حجاجي اذا جابوك بــ اطراف الجدال
وانا قبل لا قالوا اسمك كني ميت ثم حييت


تعبت اعيش الدور وافتح للمعاذير الخيال
واتخيل اني جيت في بالك و بــ انك استحيت

وترد لي كلك وله وتقول كن البعد طال
ومن الفرح ما اعاتبك واقول ياخي مابغيت


حتى وانا اتخيل حشمتك لان قلبي لا يزال
يكرر اسمك داخل اعماقي بنبضه لاسهيت


قلي شــ سوي فيك وانت بداخلي أصدق مثال
للحب واحساس القصيد ان عانق الليل وسريت


ربي يصبرني على الفرقى مدام الحظ مال
وانت بــ يجيلك يوم وتعرف ليه في بعدك شكيت


واذا بلاك الله وعذبك اشتياقك بس تـ ع ـال
واقرا القصايد في غيابك كل ابوها بيت بيت


وبتدري ان اصعب سؤال اللي يجي رده سؤال
لاقلت لي وش ذكرك ثم قلت لك متى نسيت



للرائــــــع/ محمد جارالله السهلي


اتمنى تنــال رضــــاكم


كونوا بـــ خ ــيـــر

تحياتي: عاشقة ابله نوووونه
& مديرة المنتدى &

[center][b]مشكوره اختي
[/b][/center]